Palas é camiño

 

Investigamos o camiño

 Continuando co PDI do Camiño de Santiago, no día de hoxe, varios cursos desprazáronse a distintos puntos do Camiño de Santiago, dentro do concello de Palas de Rei, para investigar e ver máis polo miúdo estes lugares:

Os máis peques do cole foron a Igrexa de San Tirso, ao Pazo Mariñao, ao Pazo da Ulloa, a Casa da Baíña e aos Chacotes.

O alumnado de 4º visitou o Pazo de Laia, a Igrexa de Merlán e o penedo de Casa Camiño.

As nenas e os nenos de 3º de primaria achegáronse ata Marzá para ver a súa igrexa.

Preme aquí para ver imaxes do día.

Etapas camiño

 Durante o primeiro trimestre, e dentro do PDI ( PROXECTO DOCUMENTAL INTEGRADO) que estamos a facer no cole, chamado "Palas é Camiño", fixemos este estudo do Camiño Francés. Podedes ver aquí o noso supertraballo que tamén se pode visitar nos corredores do centro.

Entrevistas na rúa

O alumnado de 5º EP bótase á rúa para coñecer máis de preto como é a vida no Camiño: na administración de lotería, nunha libraría, na casa dun pataqueiro, no centro de saúde...Atendede!!!

Emocións do camiño

 

Algunhas das familias dos peques de 3 aniños cóntannos anécdotas do Camiño de Santiago. Sen dúbida, historias cheas de emoción e boas sensacións, todo un gustazo oílas!

Así vivimos o Camiño

 As nenas e os nenos de 6º de infantil tiñan unha morea de preguntas sobre o camiño de Santiago, pero Miriam, Monse, Muriel e Pili resolveron todas as súas dúbidas, contándonos unhas experiencias do máis interesante. Escoitade!

Como é o teu traballo?

 Hoxe é a quenda do alumnado de 1º EP. Seguimos coñecendo oficios relacionados co Camiño de Santiago. Escoitade moi atentas e atentos, porque este alumnado ten grandes dotes para o xornalismo; entrevistan a Sandra e a Rocío. Seguro que as coñecedes!

 

Quen arranxa as bicis no Camiño?

 Na segunda entrega de audios relacionados co Camiño de Santiago é a quenda do alumnado de 6º de Primaria.
Entrevistan a Suso Freire, que ten como oficio arranxar bicicletas.
Canto aprendemos...

 

O Camiño dendo os ollos dun taxista

 O alumnado de 3º EP entrevista a Juan, taxista no noso concello. Prestade moita atención porque nos conta o seu día a día no camiño.

Comeza a nosa viaxe

Hoxe, comezamos unha nova aventura que nos acompañará durante todo o curso 2021/2022. 
Trátase dun Proxecto Documental Integrado do que imos ser partícipes todas e todos os membros da comunidade educativa do cole. Este Proxecto ten por nome "Palas é Camiño", pouco a pouco iredes descubrindo un montón de cousas sobre o mesmo... pero por agora... quen mellor para presentalo que a mascota da nosa Biblio!!! Cóntanos Daia...