O tempo de lecer na biblio

 Xogar, construír, ler, respirar, debuxar, crear, imaxinar, escoitar… pero sobre todo, tempo para COMPARTIR. Todo isto nos ofrecen os espazos da nosa biblio! Agardámoste! 

Un día calquera…

 Sen dúbida, os tempos de lecer na nosa biblio dan para moooito!!

 

Tempo de lecer

Xogar, relaxar, construír, ler, artellar, crear, pensar, compartir, coser...

 Isto é o que acontece un día calquera na nosa biblio...

Xogos

 Mañás de xadrez e de construción na biblio...

A nosa biblio

 Cada vez nos gusta máis a nosa biblio!

Aquí estamos desfrutando no tempo de lecer.

Biblio patio

“Buaaaa, liiibroooos!!!”, “hoxe había un millón de libros no patio”...estas son algunhas das emocionadas expresións que se oían hoxe no patio dos máis peques do cole. Bibliopatio comezou para saír todos os venres no tempo de lecer.
Noraboa ao alumnado colaborador da biblio por ser tan agarimosos...agárdanvos ilusionados!

A biblioteca no tempo de lecer

A biblioteca, pasiño a pasiño, segue ofrecéndolle ao alumnado novas posibilidades durante o tempo de lecer.

Os luns e os martes os nenos/as poden ler, disfrutar de xogos coma o xadrez ou o dominó, outros de lóxica, de razoamento.

Os mércores convértese nunha sala de cine. Nesta ocasión comezamos a ver a película “Vaiana”, polos valores tan bos que transmite.

Este xoves David Ogando foi o protagonista na sesión de conta contos. “Abrazo de oso” foi o conto escollido.

Os venres rematan a semana acudindo no recreo da mañá e no da tarde á biblioteca para ler, estar na zona de xogos…

A semana que vén presentarémosvos ao alumnado colaborador da biblioteca. Se o tempo o permite, estrearase o venres a actividade biblio patio para que os contos cheguen ao alumnado de infantil e de 1º primaria no tempo de lecer.

Conmemorando o Día das Bibliotecas Escolares

O 24 de outubro conmemórase o Día das Bibliotecas Escolares.

Para nós, a biblioteca é un espazo moi importante no que pasaremos moito tempo, xa que é idóneo para adquirir novas aprendizaxes.

O xoves coñecemos a súa nova organización, o decálogo de normas para o seu funcionamento, as actividades que se realizarán no recreo (lectura, xogos, curtametraxes,  contacontos, bibliopatio…). Dende o luns, os colaboradores durante os recreos axudarán a un mellor funcionamento da biblioteca.

Entre todo o alumnado do centro, elaboramos un mural que leva por título “Deixa voar a túa imaxinación. Le”. Un mural que se compón de moitas plumas con mensaxes moi significativas: eu leo para soñar, eu leo para aprender…
Deixámosvos un vídeo como resumo do acontecido na biblioteca.