Obradoiros fin de ano

Despedimos o 2025 cunha morea de obradoiros, un deles tivo lugar na biblio onde o alumnado desfrutou con diversos circuítos.

Árbores de Nadal

Durante o tempo de lecer, iniciámonos no uso da máquina de coser creando estas árbores.

 

Robot

 As nenas e os nenos de 4º de infantil, inícianse no uso do robot programable un recurso que lles permite traballar a orientación espacial, o conteo e, nesta ocasión, o vocabulario do outono.

 

Chapas

O conto do Polo Pepe acompañou aos máis peques do cole no seu período de adaptación. Así de chulas quedaron as súas chapas con este poliño como protagonista.

Camisetas

Xa empezan a verse as primeiras camisetas creadas coa máquina de corte!

 

Matatalab

O alumnado de 6º de educación infantil explora Matatalab, un novo xeito de iniciarse á programación á vez que traballaban a orientación espacial.

 

Camisetas

 Creamos as nosas camisetas coa máquina de corte: cricut.

Eliximos o debuxo, poñemos nome e colocámolo na camiseta!

Quedaron xenial! Mirade!

Rosalía De Castro con makey makey

As nenas e os nenos de 5º de educación infantil cóntannos como traballaron a figura de Rosalía de Castro:

“ Ingredientes á pota seguindo a receita, poñémola ao lume sen deixar de remexer e… plastilina lista!

Unha vez fría, creamos, en pequeno grupo, os tres nomes de Rosalía (María Rosalía Rita) e o seu apelido (de Castro), cada equipo gravou a súa palabra na aplicación scratch, para dar comezo á maxia.

A través da placa makey makey, cada vez que tocamos a plastilina soa a palabra escrita. Guau!”

Obradoiro entroido

 Nesta semana, no tempo de lecer na biblio recortamos coa cricut unhas gafas ben divertidas, decorámolas e listas para o entroido!

Un día calquera na nosa biblio

 Canto desfrutamos dos espazos que nos ofrece a biblio!!

Code Week

 O alumnado de 4º de educación primaria participa na Code Week programando con mblock!

Podedes ler máis información neste enlace.

 

Uuuu

 As nenas e os nenos de 4 anos parece que viaxaron moi lonxe neste Samaín!

(Un segredo? Encántalles facerse fotos nesa tea verde que hai na biblio)

Chapas!

Os peques de infantil tamén se apuntan aos Polos Creativos. 

Esta semana facendo chapas!

Robótica

 Esta semana, o alumnado de educación primaria manexou e programou os Mboots na sesión de Polos Creativos. 

Un día calquera…

 Sen dúbida, os tempos de lecer na nosa biblio dan para moooito!!

 

Sol

 

Presentámosvos a SOL, a nosa mascota da aula de 4 anos.

Para creala comezaron realizando uns debuxos por parellas… cada parella tivo que chegar ao acordo sobre que debuxar e facelo conxuntamente.

Unha vez tiñan os debuxos, votaron para decidir con cal se quedaban. Todas as propostas era xeniais!! pero gañou o debuxo da bolboreta.

Hoxe, chegou este boneco á aula, inspirado no debuxo, así que entre todos buscáronlle un nome!

Agora, soamente queda coidala moito… cantas sorpresas lles terá preparadas?

Seguro que xa se fixo moi amiga da mascota da biblio, Daia.

True true

Os máis peques do cole descubren un novo robot que estaba agochado na nosa biblio: True, true!!

 Para iniciarse na súa programación, comezaron polo “segue líneas”, eles debuxaron líneas nun papel e true true foi polo camiño!! Fascinante!! Non hai máis que verlles as caras de emoción!

Tamén o programaron para que soase unha melodía. 

De seguro que seguirán coñecendo outras posibilidades que ofrece este pequeno robot.

Poesía

 Neste tempo de primavera, as nenas e os nenos de 4º de infantil estiveron aprendendo unha poesía titulada "A señora bolboreta".

Probaron o set croma da biblio para crear este video recitando!

 

Bolígrafo 3D

 Momento de lecer probando os bolígrafos 3D.

St. Patrick´s day

 Today a Leprechaun came to our school and left some kids locked in the library... Fortunately, they could finally solve the mystery and get  out...Happy Saint Patrick's Day! 

Hoxe, un Leprechaun veu ao cole e deixou a algúns nenos e algunhas nenas pechados na biblio... Afortunadamente, conseguiron finalmente resolver o misterio sair... Feliz día de San Patricio!

 

Para conmemorar este día realizáronse uns colgantes na impresora 3D e empregouse o chroma para facernos desaparecer!

Podedes ver as fotos premendo aquí.